Ahmet Gürhan Kartal
12 nëntor 2020•Përditësim: 13 nëntor 2020
Mbretëria e Bashkuar tha se Kina po shkel Deklaratën e Përbashkët Sino-Britanike, pasi katër ligjvënës të Hong Kongut u skualifikuan nga anëtarësia në këshillin legjislativ të vendit, transmeton Anadolu Agency (AA).
"Vendosja e rregullave të reja të Pekinit për të skualifikuar ligjvënësit e zgjedhur në Hong Kong përbën shkelje të qartë të Deklaratës së Përbashkët Sino-Britanike ligjërisht të detyrueshme", tha Dominic Raab, sekretar i jashtëm britanik.
Dje, Hong Kongu skualifikoi katër ligjvënës nga Këshilli Legjislativ i rajonit (LegCo), pasi Kina lëshoi një "njoftim lejues".
Ligjvënësit e skualifikuar pro-demokracisë, të cilët përfaqësojnë opozitën, përfshijnë Dennis Kwok Wing-hang, Alvin Yeung Ngok-kiu, Kwok Ka-ki dhe Kenneth Leung Kai-cheong.
Legjislatura e lartë e Kinës lëshoi një strukturë kushtetuese për skualifikim, siç tha e përditshmja kineze Global Times, të ligjvënësve "jopatriotik të rajonit LegCo".
Masa po ashtu autorizoi qeverinë lokale të Hong Kongut për të anashkaluar gjykatat lokale.
"Kina edhe një herë ka shkelur premtimet e saj dhe ka minuar gradën e lartë të autonomisë së Hong Kongut. Mbretëria e Bashkuar do të çohet për popullin e Hong Kongut dhe do të tërheq vëmendjen për shkeljet e të drejtave dhe lirive të tyre. Me partnerët tanë ndërkombëtarë, ne do ta mbajmë Kinën ndaj detyrimeve që ajo i mori përsipër në mënyrë të lira sipas ligjit ndërkombëtar", tha Raab.
Vendimi për të skualifikuar ligjvënësit nga qeveria lokale e Hong Kongut erdhi pasi një rezolute e miratuar nga Komiteti i Përhershëm i Kongresit Popullor Kombëtar deklaroi se ligjvënësit në fjalë do të "humbin menjëherë vendet e tyre nëse ata promovojnë ose mbështesin nocionin e pavarësisë së Hong Kongut, nëse refuzojnë për të mbështetur miratimin e sovranitetit të vendit mbi qytetit, nëse kërkojnë forcat e huaja të përzihen në punët e qytetit ose nëse angazhohen në akte që rrezikojnë sigurinë kombëtare".
"Pasi të konfirmohen në përputhje me ligjin, do të humbin menjëherë kualifikimin e tyre për anëtar të Këshillit Legjislativ", tha dje në një deklaratë qeveria e Hong Kongut.
