Hasan Esen
06 Qershor 2020•Përditësim: 07 Qershor 2020
Autoritetet shëndetësore britanike njoftuan se gjatë 24 orëve të fundit 204 persona të tjerë kanë vdekur nga koronavirusi i ri (COVID-19), duke e çuar në 40.465 numrin e përgjithshëm të vdekjeve nga ky virus, transmeton Anadolu Agency (AA).
Departmenti i Shëndetësisë njoftoi se deri më tani pozitiv ndaj koronavirusit janë testuar gjithsej 284.868.
Mediat lokale raportuan se qeveria po konsideron të relaksojë rregullat e tregtisë së të dielës për të ndihmuar ekonominë gjatë krizës së shkaktuar nga pandemia.
The Times raportoi se qeveria po shqyrton pezullimin e rregullave të dielës për tregti për një vit për të zhvilluar ekonominë, propozim i cili u mbështet nga drejtuesit e biznesit, por u kundërshtua nga sindikatat.
Akti i Tregtisë së të Dielës i vitit 1994 ndalon që dyqanet e mëdha të hapen për më shumë se gjashtë orë gjatë të dielës.
Adam Marshall, drejtor i përgjithshëm i Odave të Tregtisë Britanike, tha se "nëse ka rregulla që mund të relaksohen për t'u ofruar ndërmarrjeve një mundësi për të luftuar krizën e pandemisë pa kompromentuar sigurinë, ministrat duhet të bëjnë gjithçka për ta kthyer atë në realitet".
Paddy Lillis, sekretar i përgjithshëm i Unionit të Tregtarëve dhe Punëtorëve, tha se "orari më i gjatë i tregtimit do të kryente presion shtesë mbi punëtorët me pakicë që kanë punuar me shumë vështirësi gjatë gjithë kësaj krize".
