Manfred Weber, kandidat i PPE-së për president të KE-së

HELSINKI (AA) – Politikani gjerman Manfred Weber është kandidati për president të ri të Komisionit Evropian para klubit më të madh në Parlamentin Evropian të Partisë Popullore Evropiane (PPE), raporton Anadolu Agency (AA).

PPE në Kongresin e Helsinkit zgjodhi Weber si kandidat për president të Komisionit Evropian në zgjedhjet e ardhshme të Parlamentit Evropian që do të mbahen në maj të vitit të ardhshëm.

Anëtari i Unionit Kristian Social të Bavarisë (CSU), Weber ka fituar bindshëm kandidatin ish-kryeministrin finlandez Alexander Stubb.

Weber është i njohur për politikat e tij ndaj Turqisë dhe ka njoftuar se "do t’u japë fund negociatave për anëtarësimin e këtij vendi në rast se zgjidhet president i Komisionit Evropian".

Partia Popullore Evropiane (PPE) është opsioni më i fortë politik në Parlamentin Evropian dhe tani nga radhët e saj janë krerët e Parlamentit Evropian, Komisionit Evropian dhe Këshillit Evropian.