Libia: Mercenarë rusë janë parë brenda shkollës në Sirte

Ushtria libiane ka njoftuar se ka zbuluar mercenarë rusë brenda një shkolle fillore në qytetin Sirte në juglindje të kryeqytetit Tripoli, transmeton Anadolu Agency (AA).

"Ne konfirmojmë praninë e një grupi mercenarësh rusë Wagner në shkollën e 30-të në qytetin Sirte", tha në një deklaratë me shkrim Abdul-Hadi Dara, zëdhënëse e ushtrisë libiane.

Më tej, Dara tha se milicët besnikë ndaj komandantit luftarak me bazë në Libinë lindore, Khalifa Haftar, shkatërruan një kompleks konferencash në të njëjtin qytet.

"Brigada e 9-të pro-Haftarit shkatërroi dhe ndërhyri në sallat e konferencave Ouagadougou në Sirte", shtoi ajo.

Sallat e konferencave Ouagadougou janë një nga vendet më të shquara në qytetin Sirte.

Libia është shkatërruar nga një luftë civile që nga rrëzimi i Muammar Gaddafi-t në vitin 2011.

Qeveria e Pajtimit Kombëtar (GNA) e Libisë u themelua në vitin 2015 nën një marrëveshje të udhëhequr nga Kombet e Bashkuara (OKB), por përpjekjet për një zgjidhje afatgjate politike kanë dështuar për shkak të një ofensive ushtarake nga forcat besnike të Haftarit.

Tripoli ka luftuar me milicët e Haftarit që nga prilli i vitit 2019 në një konflikt që ka marrë mijëra jetë njerëzish.