Kryeministri sllovak pozitiv ndaj COVID-19

Kryeministri i Sllovakisë, Igor Matoviç, njoftoi se ka rezultuar pozitiv ndaj koronavirusit të ri (COVID-19), transmeton Anadolu Agency (AA).

"Unë jam një nga ju sot", shkroi ai në rrjetin social, Facebook, duke paralajmëruar gjithashtu publikun që të "tregojë kujdes".

Mediat sllovake, përfshirë Slovak Spectator, raportuan se Matoviç u takua me dy udhëheqës të koalicionit të enjten.

Javën e kaluar, ai po ashtu mori pjesë në samitin e udhëheqësve të BE-së në Bruksel.

Presidenti francez Emmanuel Macron, midis udhëheqësve që morën pjesë në samit, njoftoi po ashtu të enjten se ai ishte pozitiv për COVID-19.