Bota

Koordinatori i OKB-së: Aneksimi izraelit kërcënon paqen në rajon

Koordinatori Special i OKB-së për Procesin e Paqes në Lindjen e Mesme, Nickolay Mladenov, paralajmëroi se nëse Izraeli anekson vendbanimet ilegale hebreje, perspektivat për paqen në rajon do të zvogëlohen

Mustafa Deveci  | 18.05.2020 - Përdıtësım : 18.05.2020
Koordinatori i OKB-së: Aneksimi izraelit kërcënon paqen në rajon

Kuds

Koordinatori Special i Kombeve të Bashkuara (OKB) për Procesin e Paqes në Lindjen e Mesme, Nickolay Mladenov, tha se plani i Izraelit për të "aneksuar" disa vende në Bregun Perëndimor të okupuar paraqet kërcënim për paqen rajonale, raporton Anadolu Agency (AA).

Në një fjalim në një konferencë në Izrael, Mladenov paralajmëroi edhe një herë Izraelin të braktisë planin për të aneksuar Luginën e Jordanit në territorin palestinez dhe vendbanimet e paligjshme hebreje në Bregun Perëndimor të pushtuar.

Duke theksuar se aneksimi është i ndaluar sipas ligjit ndërkombëtar, Mladenov tha: "Aneksimi është një kërcënim i madh. Nëse Izraeli anekson vendbanimet kolone hebreje, perspektivat për paqen në rajon do të zvogëlohen".

Ai theksoi se nëse zbatohet plani i "aneksimit", mund të ulet edhe mundësia e normalizimit të marrëdhënieve midis Izraelit dhe vendeve arabe.

Më 28 janar, presidenti amerikan Donald Trump, në një konferencë për media në Shtëpinë e Bardhë bashkë me kryeministrin izraelit, shpalli të ashtuquajturin "plan i paqes", sipas të cilit vendbanimet ilegale hebreje në Bregun Perëndimor cilësohen si territor izraelit dhe legjitimohet sovraniteti mbi Luginën e Jordanit, që është territor palestinez.

Netanyahu dje në fjalën e tij në kuvend para ceremonisë së betimit të qeverisë së re të koalicionit, tha se ka ardhur koha për t'i aneksuar vendbanimet e paligjshme kolone hebreje në Bregun Perëndimor.

Pas planit amerikan, zyrtarët nga SHBA dhe Izraeli formuan një të ashtuquajtur komision për të përgatitur hartat e Bregut Perëndimor për aneksimin e vendeve në fjalë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın