Kina planifikon rritjen e buxhetit në fushën e mbrojtjes

PEKIN (AA) – Kina këtë vit planifikon që të rrisë buxhetin për mbrojtje për së paku shtatë përqind, transmeton Anadolu Agency (AA).

Zëdhënësi i Kongresit Popullor Nacional, Fu Ying, deklaroi se projekt buxheti për mbrojtje do të bëhet publik të shtunën në takimin e Kongresit të 12-të Nacional Popullor në Pekin.

“Këtë vit buxheti për mbrojtje do të rritet për shtatë deri në tetë përqind”, tha Fu.

Nga ana tjetër, zëdhënësi i Ministrisë së Punëve të Jashtme të Kinës, Hong Ley deklaroi se rritja e buxhetit dhe investimet në sektorin ushtarak kanë karakter vetëm paqësor dhe mbrojtës.