Kina feston Vitin e Gjelit

PEKİN (AA) - Qytetarët e Kinës festojnë festën e pranverës dhe vitin e Gjelit, raporton Anadolu Agency (AA).

Sipas kalendarit kinez qytetarët e këtij vendi lanë pas vitin e Majmunit dhe më 28 janar hynë në vitin e Gjelit. Në vend ka një pushim zyrtar prej 7 ditësh, ndërsa qytetarët gjatë këtij pushimi vërshuan në qendrat e dëfrimit dhe parqet.

Qindra qytetarë të Pekinit janë mbledhur në Parkun Ditan për të festuar hyrjen e vitit të ri në formë tradicionale.

Vendet ku janë bërë festimet janë mbushur me mbishkrime ku kërkohet nga viti i ri më shumë paqe, bereqet, shëndet dhe pasuri. Ata janë sjellë në vëmendje përmes thënieve të njohura kineze. Ndërsa të gjithë qytetarët nga më i vogli deri tek më i madhi kishin mbushur sheshet.