Kinë, ndotja e ajrit 20 herë më e lartë se normat e OBSH-së

PEKIN (AA) - Si rrjedhojë e ndotjes së ajrit në veri të Kinës, përqindja e grimcave të dëmshme në ajër është rritur 20 herë më shumë se sa standardi i vendosur nga Organizata Botërore e Shëndetësisë, (OBSH), raporton Anadolu Agency (AA).

Administrata Kombëtare e Meteorologjisë së Kinës, ka njoftuar se në disa qytete të mëdha në Kinë është rritur niveli i alarmit në ngjyrë portokalli, për shkak të nivelit të lartë të ndotjes dhe uljes së largësisë së shikimit deri në 50 metra.

Ndërkohë që vlerat e PM 2.5 kanë kaluar nivelin e 500 në Pekin, qyteti metropol me 21 milionë banorë do të jetë nën ndikimin e ajrit të ndotur deri nesër në mbrëmje.