"Katari është i hapur për dialog për të zgjidhur krizën e Gjirit"

Ministri i Jashtëm i Katarit, Mohamed bin Abdulrahman al-Thani, tha në një intervistë se vendi i tij është i hapur për dialog për të zgjidhur krizën e Gjirit, transmeton Anadolu Agency (AA).

"Ne do të qëndrojmë optimistë. Disa kanale dialogu janë hapur në dy muajt e fundit midis Katarit dhe Arabisë Saudite, por për fat të keq kjo nuk çoi në asgjë”, tha Bin Abdulrahman për CNN.

"Ne duam të shohim përpara në një të ardhme më të prosperuar dhe të qëndrueshme në rajon dhe kjo nuk mund të ndodhë me një qasje që nuk prodhon asgjë", tha ai.

Diplomati i lartë i Katarit shpjegoi se një e ardhme e qëndrueshme "mund të ndodhë vetëm kur arrihet kompromis midis të gjitha vendeve dhe arrihet një zgjidhje për të gjithë ne për të arritur fitime".

"Asnjëherë nuk kemi synuar të dëmtojmë ose poshtërojmë ndonjë vend, duam që ata të dalin nga kjo më të fortë dhe të gjithë duhet të dalim si një rajon më i fortë", tha ai.

Në mesin e vitit 2017, Arabia Saudite, Emiratet e Bashkuara Arabe, Bahreini dhe Egjipti papritmas të gjithë ndërprenë lidhjet me Dohan, duke e akuzuar për mbështetjen e grupeve terroriste, një akuzë e mohuar me forcë nga Katari.

Nuk ka shenja të zgjidhjes së krizës deri më sot, pavarësisht përpjekjeve të ndërmjetësimit dhe deklaratave të ndërsjella nga zyrtarë të Arabisë Saudite dhe Katarit.