Kanadaja legalizon marijuanën

TORONTO (AA) - Parlamenti i Kanadasë ka legalizuar përdorimin e marijuanës në të gjithë vendin sipas dëshirës, transmeton Anadolu Agency (AA).

Ligji mbi marijuanën i cili rregullon dhe kontrollon se si do të kultivohet, shpërndahet dhe shitet bima u miratua dje në senat me 52 vota "po" dhe 29 kundër.

Me miratimin e ligjit nga senati, Kanadaja do të jetë vendi i dytë ku përdorimi i marijuanës rregullohet me ligj.

Më tej thuhet se Uruaguaji ka qenë vendi i parë i cili ka legalizuar përdorimin dhe shitjen e marijuanës në vitin 2013.

Në Kanada përdorimi i marijuanës për qëllime mjekësore ka qenë i lejuar që nga viti 2001. Kanadezët do të mund të blejnë dhe konsumojnë lirshëm kanabisin duke nisur nga fillimi i muajit shtator.

Tashmë marijuana në vend mund të porositet edhe nëpërmjet internetit nga prodhuesit që kanë liçencë federale, ndërsa për të rriturit do të lejohet që ata ta bartin me vete në hapësirat publike deri në 30 gram marijuanë të tharë.