Kafshët e egra në Kenia nën kërcënimin e thatësirës
Zëdhënësi i Agjencisë për Kafshët e Egra në Kenia, Paul Gathitu, tha se të paktën 15 hipopotamë dhe 5 buaj kanë ngordhur për shkak të mungesës së ujit dhe kullotave
( Magdalene Mukami/AA )
Nairobi
NAIROBI (AA) - Disa kafshë të cilat jetojnë në hapësirat natyrore të mbrojtura në Kenia, kanë ngordhur për shkak të thatësirës që vazhdon prej kohësh në këtë vend, raporton Anadolu Agency (AA).
Zëdhënësi i Agjencisë për Kafshët e Egra në Kenia, Paul Gathitu, tha për AA se të paktën 15 hipopotamë dhe 5 buaj kanë ngordhur për shkak të mungesës së ujit dhe kullotave.
Ai tha se ngordhja e 15 hipopotamëve ka ardhur si pasojë e tharjes së liqenit Keniatta në rajonin Lamu si rrjedhojë e thatësirave.
Ndërsa duke vënë në dukje se 5 buaj kanë ngordhur në "zonën e jetës së egër" në rajonin Ijara, Gathitu, në vijim ka shtuar se në shumë rajone të tjera është dhënë alarmi për thatësirën.
Kafshët e pangopura zbresin në fshatra
Gathitu gjatë fjalës së tij ka thënë se fshatarët hyjnë fshehurazi në zonat e mbrojtura për të kullotur bagëtitë pasi nuk kanë mundësi në fshatrat e tyre.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
