Muhammet Kurşun
14 Qershor 2020•Përditësim: 14 Qershor 2020
Me 107 vdekjet e reja të regjistruara gjatë 24 orëve të fundit me koronavirusin e ri (COVID-19) në Iran është rritur në 8.837 numri i viktimave në vend, transmeton Anadolu Agency (AA).
Zëdhënësja e Ministrisë së Shëndetësisë së Iranit, Sima Sadat Lari njoftoi se në 24 orët e fundit në të gjithë vendin janë shënuar 107 vdekje dhe 2.472 raste të reja me COVID-19.
Me këtë ka arritur në 8.837 numri i vdekjeve dhe në 187.427 numri i rasteve me COVID-19 në vend, tha Lari e cila informoi se deri më tani ka arritur në 148.674 numri i personave të shëruar që janë liruar nga spitalet.
Ajo theksoi se 2.781 nga të prekurit me COVID-19 janë në gjendje kritike ndërsa ka arritur në 1.244.074 numri i testeve të kryera në vend.
Zëdhënësja Lari bëri të ditur se krahas rajonit Khuzestan janë përcaktuar "zonë e kuqe" edhe rajonet Azerbajxhani Perëndimor, Hormozgan, Kurdistan, Kermanshah, Sisten-Baluchestan, Bushehr dhe Razavi Khorasan.
Numri i rasteve me COVID-19 në Iran shënoi ulje deri në 800 në fillim të muajit maj, por shifrat filluan sërish të rriten pas heqjes së kufizimeve.
Koronavirusi për herë të parë në Iran u shfaq më 19 shkurt në qytetin Qom.
