Iraku evakuon 608 refugjatë të bllokuar në kufirin e Bjellorusisë

Ministria e Transportit e Irakut njoftoi sot se ka evakuuar 608 refugjatë që ishin bllokuar në kufirin midis Bjellorusisë dhe Polonisë, transmeton Anadolu Agency (AA).

Drejtori i përgjithshëm i Kompanisë Irakiane të Transportit të lidhur me ministrinë, Abbas Omran, në një njoftim tha: "Dy fluturime çarter kryen me sukses evakuimin nga aeroporti i Minskut në aeroportet e Erbilit dhe Bagdadit, pas marrjes së miratimeve zyrtare nga autoritetet irakiane dhe bjelloruse".

Në njoftim shtohet se refugjatët u evakuuan nga aviokompania zyrtare Iraqi Airways e Irakut.

Më 18 nëntor, Iraku njoftoi evakuimin e 430 qytetarëve të tij të bllokuar në kufirin Bjellorusi-Poloni.

Në fillim të nëntorit, shumë azilkërkues u përpoqën të kalonin kufirin për të hyrë në Poloni nga Bjellorusia, ku aktualisht ka rreth 4.000 azilkërkues të bllokuar, sipas agjencisë polake të shtypit.