Irak, arrestohet një terrorist i lartë i DEASH-it

BAGDAD (AA) – Forcat irakiane sot afër Mosulit në Irakun verior kapën një terrorist të lartë të DEASH-it, raporton Anadolu Agency (AA).

Terroristi, i identifikuar si Dawoud Mohamed Saleh, u arrestua gjatë një bastisjeje në një shtëpi në al-Shura në jug të Mosulit, tha për AA, kapiteni Shakir al-Wandi.

Ai tha se terroristi është përgjegjës për marrjen e shtëpive me forcë të pjesëtarëve të sigurisë në Mosulin jugor.

"Duart e tij janë të përlyera me gjakun e civilëve dhe anëtarëve të sigurisë", tha al-Wandi.

Gjatë bastisjes nuk ka pasur asnjë të plagosur në mesin e forcave të sigurisë.

Ndërkohë, koloneli i ushtrisë Ahmad al-Jabouri tha se 30 persona u arrestuan nga forcat e sigurisë në jugperëndim të Mosulit për lidhje të dyshuara me grupin terrorist DEASH.