India nuk do ta ftojë Ukrainën në Samitin e G20

Ministri i Jashtëm i Indisë, Subrahmanyam Jaishankar tha se ata nuk mendojnë ta ftojnë Ukrainën në Samitin e Liderëve të G20, të cilin ai do ta organizojnë në shtator, transmeton Anadolu.

"Ne mendojmë se pjesëmarrja në G20 është vetëm për anëtarët dhe organizatat që ne ftojmë. Ne gjithashtu e shpallëm këtë listë kur morëm presidencën e mandatit të G20", tha Jaishankar.

Duke thënë se ata nuk e ngritën më këtë çështje, Jaishankar tha: "Të jem i sinqertë, kjo nuk është diçka që ne e kemi diskutuar me askënd".

Jaishankar deklaroi se nuk planifikojnë ta ftojnë Ukrainën në Samitin e Liderëve të G20 që do të mbahet në shtator.

Presidenti ukrainas, Volodymyr Zelenskyy ishte i ftuar në Samitin e Liderëve të G20-ës të organizuar nga Indonezia vitin e kaluar.