Salih Baran
10 Mars 2020•Përditësim: 11 Mars 2020
Njësitet kufitare greke ndërtojnë "pengesa" në vijën kufitare për të parandaluar refugjatët që duan të kalojnë në Evropë, raporton Anadolu Agency (AA).
Refugjatët vazhdojnë pritjet e tyre në ditën e 12-të në kufirin e Greqisë për të shkuar në Evropë. Njësitet kufitare greke për të penguar kalimet ndërhyjnë kundër refugjatëve duke përdorur herë-herë gaz me piper, ujë me presion si dhe në disa raste plumba të vërtetë dhe plumba gome të cilët shkaktojnë plagosje dhe vdekje.
Greqia vazhdon të ndërtojë pengesa ose llogore pas thasëve me rërë që janë të vendosur pas telave të larta kufitare. Po ashtu Greqia përpiqet të pengojë kalimet kufitare edhe me ushtarët që ka vendosur në kufi.
Më tej thuhet se ushtarët grekë kanë filluar të vendosin tela me gjemba në disa pjesë në bregun e lumit Maritsa në të cilin ndodhin kalimet.
