Greqi, digjen materialet e ndihmave humanitare të refugjatëve ukrainas

Në Greqi janë djegur materialet e ndihmave humanitare të mbledhura për refugjatët ukrainas, transmeton Anadolu Agency (AA).

Sipas lajmit në shtypin grek, në zjarrin që përfshiu paletat në stadiumin e Miqësisë dhe Paqes (SEF) në Pireas, kishte rroba të mbledhura nga Ambasada e Ukrainës në Athinë për t'u dërguar për refugjatët.

Zjarri i cili ka rënë në orët e para të mëngjesit dhe ende nuk është përcaktuar arsyeja, është shuar me ndërhyrjen e zjarrfikësve. Një pjesë e madhe e materialeve të ndihmave humanitare janë bërë të papërdorshme nga zjarri.