Gjykata e Supreme e Izraelit urdhëron dëbimin e zyrtarit të HRW

Gjykata Supreme e Izraelit urdhëroi dëbimin e drejtorit të Human Rights Watch (HRW) me qendër në Kuds, transmeton Anadolu Agency (AA).

Gjykata i dha Omar Shakir 20 ditë kohë për të lënë vendin ose do të përballet me dëbimin, sipas të përditshmes izraelite Haaretz.

Autoritetet izraelite akuzojnë Shakir për mbështetjen e lëvizjes "Boycott, Divestment dhe Sanctions" (BDS), të cilën Izraeli e ka shpallur si kriminale.

Drejtori i zyrës së HRW-së, nga ana e tij, argumenton se vendimi ishte i drejtuar politikisht dhe kishte për qëllim të heshtte organizatat e të drejtave të njeriut që punojnë në Izrael.

Në prill, Gjykata e Qarkut në Kuds miratoi një vendim të qeverisë me të cilën anulonte vizën e qëndrimit të Shakir, me shtetësi amerikane, duke pretenduar se ai ka treguar mbështetje për lëvizjen BDS.

Kjo është masa e parë e këtij lloji që kur HRW me qendër në New York filloi të monitorojë ngjarjet në Izrael dhe Palestinë tre dekada më parë.