Elena Teslova
28 Dhjetor 2020•Përditësim: 28 Dhjetor 2020
Anija ruse e peshkimit “Onega” me 19 anëtarë të ekuipazhit është fundosur sot në veri të Detit Barents, njoftuan zyrtarë të situatës emergjente, transmeton Anadolu Agency (AA).
Sipas të dhënave paraprake, 17 persona e kanë humbur jetën dhe dy u shpëtuan nga anija që nuk ishte larg zonës së aksidentit, tha ministria në një njoftim.
Shërbimet e urgjencës u njohën me situatën kur një anije shpëtimi u aktivizua në anijen me emrin "Onega".
Aktualisht, pesë anije po kërkojnë pjesën tjetër të ekuipazhit. Kushtet e këqija të motit nuk lejojnë operacione të shpëtimit ajror.
Hetuesit kanë hapur hetim për shkeljen e rregullave të sigurisë në funksionimin e transportit detar dhe ujor. Akullimi konsiderohet si shkaku më i mundshëm i fundosjes.
