Franca do të hapë kufijtë e saj brenda Evropës më 15 qershor

Franca do të hapë kufijtë e saj brenda Evropës më 15 qershor ndërsa më 1 korrik gradualisht kufjtë e saj jashtë Evropës të cilat u mbyllën për shkak të koronavirusit të ri (COVID-19), transmeton Anadolu Agency (AA).

Ministri i Jashtëm francez, Jean-Yves Le Drian dhe ministri i Brendshëm, Christophe Castaner në një deklaratë të përbashkët me shkrim njoftuan se pas përmirësimit të situatës lidhur me pandeminë dhe rekomandimit të Komisionit Evropian (BE) do të hapin kufijtë e tyre brenda Evropës më 15 qershor.

Për personat që vijnë në Francë nga vendet e Evropës do të hiqet detyrimi për të qëndruar në karantinë për 14 ditë thuhet në deklaratën në të cilën shpjegohet se në kuadër të reciprocitetit personave që vijnë nga Spanja dhe Britania e Madhe u rekomandohet të qëndrojnë në karantinë 14 ditë.

Në deklaratë thuhet se mbi rekomandimin e KE-së, Franca do të hapë gradualisht më 1 korrik kufijtë e saj jashtë Evropës dhe se studentët mund të vijnë në vend pavarësisht se nga cili vend janë.