Njësitë tokësore të Forcave të Armatosura të Turqisë që kishin arritur në Portin e Emdenit, janë transferuar në Zonën e Trajnimit dhe Ushtrimeve të Bergenit, njoftoi sot Ministria e Mbrojtjes e Turqisë, transmeton Anadolu.

“Njësitë e Forcave Tokësore Turke janë vendosur nga Porti i Emdenit në Zonën e Trajnimit Bergen-Hohne”, tha ministria në platformën sociale turke NSosyal.

Forcat e Armatosura Turke do të marrin pjesë në ushtrimin më të madh të NATO-s të vitit, “Steadfast Dart-26”, nga 8 deri më 20 shkurt, me një forcë prej rreth 2.000 personash që përfshin elementë tokësorë dhe detarë.