Ethiopian Airlines ndalon fluturimet me "Boeing 737 Max 8"

Kompania ajrore Ethiopian Airlines ka njoftuar se pas aksidentit që ndodhi dje ka ndaluar fluturimet me Boeing "737 Max 8", transmeton Anadolu Agency (AA).

Zëdhënësi i kompanisë, Asrat Begashaw deklaroi se si masë sigurie janë ndaluar udhëtimet e 4 avionëve të të njëjtit model me avionin e udhëtarëve të tipit Boeing 737 Max 8 i cili u rrëzua dje pak kohë pas ngritjes për udhëtim nga kryeqyteti etiopian Addis Ababa për në kryeqytetin e Kenias, Nairobi.

Begashaw tha se vazhdojnë punimet e kërkimit dhe inspektimit në rajonin ku ndodhen mbetjet e avionit të rrëzuar ku si pasojë humbën jetën 157 persona që ndodheshin në bord.

- Në 6 muaj 2 aksidente

Përfshirja në 2 aksidente të mëdha në 6 muajt e fundit e avionëve 737 Max 8 të prodhuar nga kompania amerikane Boeing, ka sjellë në rend dite debatet në lidhje me sigurinë e avionëve.

Poashtu tetorin e vitit të kaluar në avion udhëtarësh i tipit 737 Max 8 i kompanisë Lion në Indonezi u përfshi në një aksident ku si pasojë humbën jetën 189 persona që ndodheshin në avion.

Pavarësisht se ende nuk është përcaktuar shkaku i aksidenit, rrëzimi i avionëve pas problemeve të lartësisë me të cilat janë përballur dy avionët në një kohë të shkurtër 6 deri në 12 minuta pas ngritjes, forcon mundësinë se tek modelet në fjalë të ketë ndonjë problem teknik që buron nga prodhimi.

Kujtojmë se edhe Administrata e Aviacionit të Kinës, pas aksidentit ka dhënë urdhër ndaj të gjitha kompanive ajrore në vend për ndalimin e fluturimeve të avionëve të tipit 737 Max 8.

Ndërkohë edhe kompania ajrore Cayman Airlines e Ishujve Cayman njoftoi ndalimin e udhëtimeve të 2 avionëve të rinj të tipit Boeing 737 Max 8.

- Shkak i aksidentit mund të jetë programi i kontrollit

Boeing ndërtoi një motor më të madh për të bërë motorin e avionit më efikas në modelet e tij 737 Max, të cilin e ka zhvilluar kundër rinovimit që rivali i tij evropian Airbus bëri për modelin A321 i cili përdor karburantin në mënyrë më efikase në distancat e mesme. Po ashtu për menaxhimin e motorit të ri zhvilloi një program (sofware) të ri për kontrollin e fluturimit. Programi në fjalë dihet se përmban një sistem të quajtur "ligji kontrollit" që çaktivizon ndërhyrjen e pilotit kur piloti automatik është aktiv.

Fokusimet janë mbi mundësinë që aksidenti mund të ketë ndodhur nga kjo veçori, që çaktivizon kontrollin e pilotit në programin e kontrollit të fluturimit të 737 Max 8.

Avionët e klasit 737 dhe avionët A320 të prodhuar nga Airbus nën partneritetit francezo-gjerman janë avionët për pasagjerë më të shitur në botë. Boeing aktualisht ofron shërbim për kompanitë ajrore me 10 mijë avionë të tipit Boeing 737 ndërsa Airbus A320 me 8 mijë avionë.