Ali Murat Alhas
13 shkurt 2021•Përditësim: 14 shkurt 2021
Ministrat e jashtëm të Turqisë dhe Nigerisë në një bisedë telefonike diskutuan zhvillimet pas lirimit të detarëve turq nga piratët, raporton Anadolu Agency (AA).
Burimet diplomatike thonë se Mevlüt Çavuşoğlu dhe homologu i tij nigerian Geoffrey Onyeama biseduan pasi marinarët turq të shpëtuar u sollën në Ambasadën Turke në kryeqytetin nigerian Abuja.
Burimet thonë se në një bisedë tjetër telefonike, kryediplomati turk u dëgjua edhe me Mustafa Kaya-n, kapitenin e anijes.
Pas arritjes së 9 detarëve tjerë në ambasadën turke në Abuja, ata më vonë gjatë ditës do të nisen për në Turqi.
15 detarët u rrëmbyen pas një sulmi pirat mbi një anije me flamur Liberia në brigjet e Nigerisë më 23 janar.
Një marinar azerbajxhanas u vra në sulm, ndërsa piratët lanë tre anëtarë të ekuipazhit për të dërguar anijen në port.
Ata u ankoruan në Port-Gentil afër Gabon dhe u sollën në Turqi më 30 janar.
