Ahmet Gürhan Kartal
04 Janar 2021•Përditësim: 04 Janar 2021
Britania filloi me vaksinën Oxford/AstraZeneca pasi një 82-vjeçar me kushte themelore shëndetësore u bë personi i parë që e mori atë, raporton Anadolu Agency (AA).
Brian Pinker, një pacient me dializë, iu dha për herë të parë vaksina në spitalin Churchill në Headington, Oxford pas miratimit të saj në javët e fundit.
Përdorimi i vaksinës së Oksford-it erdhi pasi rritje e madhe u regjistrua në Mbretërinë e Bashkuar, ku më shumë se 350 mijë njerëz dolën pozitiv brenda një jave.
"Jam shumë i kënaqur që po marr vaksinën kundër COVID-19 sot dhe me të vërtetë krenar që është një që u shpik në Oxford", tha Pinker.
"Infermierët, mjekët dhe stafi sot kanë qenë të shkëlqyer dhe unë tani mund të pres me të vërtetë të festoj përvjetorin e 48-të të martesës me gruan time Shirley më vonë këtë vit", tha ai.
Vaksina e Oxfordit është bërë vaksina e dytë e koronavirusit e përdorur në Mbretërinë e Bashkuar pas vaksinës Pfizer/BioNTech.
Britania ka porositur 100 milionë doza të vaksinës së bërë në vend.
Pavarësisht nga vaksina e fundit, rastet pozitive tani janë në një tendencë për të dalë jashtë kontrollit pasi Britania ka regjistruar 366.435 infeksione, me më shumë se 50.000 rritje ditore për pesë ditë rresht.
Sipas lajmeve lokale, shumë spitale në Mbretërinë e Bashkuar tani po kujdesen për më shumë pacientë me COVID-19 krahasuar me valën e parë.
Shërbimi Kombëtar i Shëndetit (NHS) tha se po përgatitet për një "nxitje të parashikuar të pacientëve" dhe ka nevojë për më shumë shtretër.
Qeveria e Britanisë tashmë ka njoftuar vendimin e saj për të mbyllur të gjitha shkollat e mesme në Londër, duke ndryshuar vendimin e mëparshëm për t'i mbajtur ato të hapura. Megjithatë, shkollat fillore hapen të hënën, pavarësisht thirrjeve drejtuar qeverisë për t'i mbajtur ato të mbyllura.
"Ne duhet ta shtypim këtë virus për të mbrojtur NHS-në tonë (Shërbimin Kombëtar të Shëndetit) dhe për të shpëtuar jetë derisa vaksina të na mbajë të sigurt", shkroi së fundmi Sekretari i Shëndetësisë, Matt Hancock.
