Bie fluksi i refugjatëve në Bullgari

SOFJE (AA) - Ministria e Brendshme e Bullgarisë ka deklaruar se është regjistruar rënie e rëndësishme në rrjedhën e refugjatëve nga Turqia për në Bullgari, raporton Anadolu Agency (AA).

Mladen Marinov, sekretar i përgjithshëm i ministrisë, ka thënë se që nga viti i ri e deri më tani janë kapur vetëm 362 persona në tentativë për të hyrë në Bullgari.

"Gjendja në kufi duket shumë e qetë. Mund të thuhet se ka rënie për 70 përqind në numrin e hyrjeve ilegale, krahasuar me periudhën e njëjtë të vitit të kaluar", ka thënë Marinov për Radion Nacionale të Bullgarisë (BNR).