Biden do të emërojë David Kessler në krye të programit të vaksinimit kundër COVID-19
Kessler do të koordinojë logjistikën e prodhimit të miliona dozave të vaksinës si dhe ekzaminimin dhe aprovimin e vaksinës
Ankara
Presidenti i zgjedhur i SHBA-së, Joe Biden, në krye të grupit të punës së formuar në lidhje me vaksinimin kundër koronavirusit të ri (COVID-19) do të emërojë dr. David Kessler, ish-kreun e Administratës së Barnave dhe Ushqimit të SHBA-së (FDA), transmeton Anadolu Agency (AA).
Në njoftimin e ekipit të tranzicionit të Bidenit, thuhet se në vend të Moncef Slaoui, kreu i "Operacionit Warp Speed", të filluar nga administrata e Trumpit në lidhje me punimet e vaksinës kundër COVID-19 do të emërohet Kessler.
Kessler ishte kreu i FDA-së në vitet 1990-ta, ndërsa ai gjithashtu do të jetë shefi shkencor i grupit të ndërhyrjes ndaj COVID-19 si dhe kryekëshilltari i Bidenit për pandemi.
Theksohet se Kessler do të koordinojë logjistikën e prodhimit të miliona dozave të vaksinës si dhe ekzaminimin dhe aprovimin e vaksinës.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
