Pentagoni mohon pretendimet për "evakuimin e komandantëve të DEASH-it"

WASHINGTON (AA) - Majori Adrian Rankine-Galloway, një prej zëdhënësve të Departamentit Amerikan të Mbrojtjes (Pentagon), mohoi akuzat se "helikopterët e Forcave Ajrore amerikane muajin e kaluar kanë evakuuar rreth 20 komandantë terreni të organizatës terroriste DEASH në qytetin Diyrizor të Sirisë", raporton Anadolu Agency (AA).

Galloway iu përgjigj pyetjes së gazetarit të AA-së lidhur me këtë çështje, ku ai ka thënë se pretendimet e agjencisë ruse të lajmeve RIA Novosti nuk reflektojnë të vërtetën.

"Këto pretendime janë krejtësisht të gabuara", tha Galloway, duke shtuar më tej se nuk kishte nevojë për shumë koment për këtë çështje.

Pretendohet se forcat amerikane "kanë evakuuar komandantët e DEASH-it"

Sipas lajmit të agjencisë ruse RIA Novosti të cilin ajo e bazon në një burim të paidentifikuar ushtarak dhe diplomatik, pretendohet se helikopterë të Forcave Ajrore të SHBA-ve kanë evakuuar në muajin gusht nga qyteti Dejrizor rreth 20 komandantë terreni të DEASH-it.