"Bahreini do të normalizojë marrëdhëniet me Izraelin"

Pas Emirateve të Bashkuara Arabe (EBA) pretendohet se edhe vendi i Gjirit, Bahreini do të normalizojë marrëdhëniet me Izraelin, transmeton Anadolu Agency (AA).

Në lajmin e institucionit transmetues publik të Izraelit KAN, pretendohet se edhe Bahreini do të njohë Izraelin pas marrëveshjes së arritur për normalizimin e marrëdhënieve mes Tel Avivit dhe Abu Dabit.

Po ashtu në lajmin i cili bazohet mbi një zyrtar izraelit, identiteti i të cilit nuk bëhet i ditur, thuhet se marrëveshja mes EBA-së dhe Izraelit pritet të nënshkruhet në mesin e këtij muaji në Washington.

Sekretari i Shtetit i SHBA-ve, Mike Pompeo muajin e kaluar vizitoi Bahreinin gjatë turneut në Lindjen e Mesme që ai zhvilloi për normalizimin e marrëdhënieve mes Izraelit dhe vendeve arabe.

Në lajmet e shtypit ndërkombëtar ishte bërë e ditur se Pompeo ka refuzuar në mënyrë të mbuluar propozimin e zyrtarëve të Bahreinit të cilët kishin vendosur kushtin për krijimin e shtetit të Palestinës për normalizimin e marrëdhënieve me Izraelin.