Arrestohen 5 australianë, tentuan ti bashkohen DAESH-it

MELBURN (AA) – Policia e Australisë konfirmoi të mërkurën arrestimin e pesë të dyshuarve të cilit kishin tentuar të lundrojnë me një anije të vogël në Indonezi me synim final Sirinë për t'iu bashkuar organizatës terroriste DAESH, raporton Anadolu Agency (AA).

Pesë australianët, pasaportat e të cilëve u anuluan, po merren në pyetje për akuzën “përfshirje e huaj”.

Zëvendës komesari i policisë në shtetin Victoria, Shane Patton ka përshkruar rastin si përpjekje serioze e pesë personave të cilët, sipas tij, tani paraqesin lëndë për sigurisë e Australisë për çka pasaportat e tyre janë anuluar që të mos mund të braktisin shtetin.