Arrestohen 11 palestinezë në Bregun Perëndimor

Forcat izraelite arrestuan 11 palestinezë në bastisjet e mbrëmshme në të gjithë Bregun Perëndimor të pushtuar, njofton ushtria izraelite të mërkurën, transmeton Anadolu Agency (AA).

Palestinezët u arrestuan për "përfshirje të dyshuar në aktivitetet terroriste", thuhet në deklaratën e ushtrisë izraelite, pa specifikuar se për çfarë aktivitetesh bëhet fjalë.

Forcat izraelite shpesh kryejnë fushata të gjera të arrestimit përgjatë Bregut Perëndimor të pushtuar dhe Kudsit me pretekstin e kërkimit të palestinezëve "të kërkuar".

Sipas shifrave palestineze, më shumë se 5.700 palestinezë vazhdojnë të vuajnë në qendrat e paraburgimit në Izrael, duke përfshirë 48 gra dhe 230 të mitur.