Afrikë, shkon në rreth 4 milionë e 220 mijë numri i rasteve me COVID-19

Numri i rasteve me koronavirusin e ri (COVID-19) në Afrikë ka shkuar në rreth 4 milionë e 220 mijë, transmeton Anadolu Agency (AA).

Sipas faqes së internetit "Worldometer", e cila përpilon informacionet më të fundit mbi pandeminë, numri i rasteve në gjithë kontinentin është rritur në 4.219.084.

Numri i të shëruarve në kontinent ka shkuar në 3.787.188 ndërsa numri i viktimave në 112.215 persona.

Shifra më e madhe e rasteve në kontinent është regjistruar në Republikën e Afrikës së Jugut, Marok, Tunizi, Egjipt, Etiopi dhe Nigeri. Ndërkohë numri më i madh i vdekjeve është regjistruar në Republikën e Afrikës së Jugut dhe Egjipt.