Afganistan, 18 policë të vdekur në sulmin e talebanëve

KABUL (AA) - Të paktën 18 policë kanë humbur jetën si pasojë e sulmit të militantëve talebanë ndaj autokolonës policore në provincën Farah në perëndim të Afganistanit, raporton Anadolu Agency (AA).

Zëvendëskryetari i Këshillit të Krahinës Farah, Dadullah Kani, në deklaratën për AA tha se militantët i kanë zënë pritë autokolonës policore që ishte duke shkuar në rajonin Lash Cavin.

Ai theksoi se në sulm kanë humbur jetën 18 policë, në mesin e të cilëve edhe drejtori i policisë së rajonit Muhammed Ikbal.

Ndërkohë në deklaratën e bërë nga talebanët u pretendua se numri i policëve të vrarë në sulm është 25.