Ekip
24 Shtator 2019•Përditësim: 25 Shtator 2019
Kompania ajrore me seli në Lubjanë të Sllovenisë "Adria Airways" thotë se ka pezulluar të gjitha fluturimet për dy ditë për shkak të mungesës së fondeve, transmeton Anadolu Agency (AA).
Kompania ndaloi fluturimet e saj për sot dhe nesër. Në një deklaratë thotë se pezullimi është i përkohshëm.
Ish-kompania kombëtare ajrore e Sllovenisë, "Adria Airways" në vitin 2016 iu shit fondit gjerman të investimeve "4K Invest". Që atëherë kompania ka shitur të gjitha avionët e saj dhe po përdor avionët me qira.
Vendimi për pezullimin e fluturimeve erdhi pas vonesave dhe anulimeve të përsëritura. Dy nga avionët e kompanisë të marra me qira u detyruan të kthehen për shkak të borxhit të papaguar.
"Adria Aiways" përmes një deklarate të lëshuar të hënën vonë tha se kompania "intensivisht është duke kërkuar një zgjidhje në bashkëpunim me investitorë të mundshëm", duke shtuar se "qëllimi i të gjithëve është që 'Adria Airways' të fluturojë përsëri".
