Kosovë, 9 raste të reja me COVID-19 në 24 orët e fundit
Numri i përgjithshëm i të shëruarve deri më tani ka arritur në 157.758 ndërkohë numri i rasteve aktive me COVID-19 është 334
Prishtinë
Autoritetet shëndetësore në Kosovë kanë njoftuar se gjatë 24 orëve të fundit asnjë person i infektuar me koronavirusin e ri (COVID-19) nuk ka vdekur, duke bërë që numri i përgjithshëm i viktimave nga ky virus të mbetet në 2.983, transmeton Anadolu Agency (AA).
Bazuar në të dhënat e fundit të Institutit Kombëtar të Shëndetësisë Publike në Kosovë (IKSHPK), vendi ka regjistruar 9 raste të reja me koronavirus, me çka numri i tyre ka shkuar në gjithsej 161.075.
Në 24 orët e fundit në institucionet shëndetësore janë testuar gjithsej 1.591 mostra të dyshuara për COVID-19, derisa deri më tani janë bërë 1.311.559 teste.
Sipas të dhënave në 24 orët e fundit janë shëruar 10 persona. Numri i përgjithshëm i të shëruarve deri më tani ka arritur në 157.758 ndërkohë numri i rasteve aktive me COVID-19 është 334.
Sa i përket procesit të vaksinimit, gjatë 24 orëve të fundit janë dhënë 1.898 doza të vaksinës ndërsa prej fillimit të vaksinimit në të gjitha qytetet e Kosovës janë dhënë 1.614.212 doza të vaksinës. Deri më sot 761.003 qytetarë janë vaksinuar me dozën e dytë.