Bihaçi, një qytet në veriperëndim të Bosnjë e Hercegovinës, këto ditë është mbuluar nga bora, duke i dhënë qytetit mbi lumin Una një pamje të veçantë dimërore, raporton Anadolu.

Bora ka mbuluar rrugët e qytetit, urat dhe parkun, ndërsa brigjet e lumit Una, një nga simbolet e qytetit, kanë nxjerrë në pah bukurinë e peizazhit dimëror.

Banorët dhe vizitorët shfrytëzuan ditën me borë për të bërë shëtitje përgjatë lumit Una dhe për të fotografuar lokacionet më të njohura të qytetit.

I vendosur mbi brigjet të lumit Una me ngjyrë smeraldi, Bihaçi njihet për historinë e tij të pasur, qytetin e vjetër dhe Parkun Kombëtar Una, që tërheq dashamirësit e natyrës edhe në dimër.

Bihaçi i mbuluar nga bora ka treguar edhe një herë pse ky qytet shpesh konsiderohet ndër më të bukurit në Bosnjë e Hercegovinë, sidomos kur natyra dhe qyteti bashkohen në një ambient unik dimëror.