Vardari kampion evropian në hendboll

SHKUP (АА) - Ekipi i klubit të hendbollit nga Maqedonia, Vardar është kampion evropian, pasiqë sonte në Këln në Gjermani në finalen e Ligës së Kampionëve në hendboll, fitoi ndaj klubit francez Paris Saint-Germain me rezultatin 24:23, raporton Anadolu Agency (AA).

Golin e fitores në ndeshjen finale në sekondën e fundit e shënoi Ivan Çupiq, me çka Maqedonia pas 15 vitesh sërish ka një kampion evropian në hendboll në konkurrencën për meshkuj.

Hendboll me mbrojtje të fuqishme demonstruan të dyja ekipet në pjesën e parë në të cilën hedbollistët e Vardarit ishin në epërsi, por në pushim shkuan me një gol epërsi për ekipin francez.

Timur Dibirov me 7 gola ishte më efikas në klubin nga Maqedonia ndërsa Cindriq dhe Borozan shënuan nga 3 gola aq sa shënoi edhe Çupiq në mesin e të cilëve edhe golin e fitores.

Tek ekipi francez PSG më efikas ishte Nikolla Karabatiç me 5 gola.

Rikujtojmë se në ndeshjen për vendin e tretë Vesprem fitoi ndaj Barcelonës me rezultatin 34:30.