Trump uron Thaçin për 11 vjetorin e pavarësisë së Kosovës
"Ne e shohim njohjen e dyanshme si themel të marrëdhënieve të normalizuara dhe si bazë për çfarëdo zgjidhje gjithëpërfshirëse", thuhet në letrën e Trumpit, duke iu referuar marrëdhënieve Kosovë-Serbi
Prishtinë
PRISHTINË (AA) - Presidenti i SHBA-ve, Donald Trump, përmes një letre dërguar presidentit të Kosovës, Hashim Thaçi, ka përgëzuar mbarë popullin e Kosovës për përvjetorin e 11-të të pavarësisë, transmeton Anadolu Agency (AA).
Trump i ka inkurajuar qytetarët e Kosovës që të fokusohen në ruajtjen e parimeve demokratike, në forcimin e sundimit të ligjit dhe në avancimin e mundësive ekonomike dhe tregtare.
"Më e rëndësishmja, Kosova dhe Serbia duhet t’i normalizojnë marrëdhëniet, që është esenciale për integrimin perëndimor të Kosovës. Ne e shohim njohjen e dyanshme si themel të marrëdhënieve të normalizuara dhe si bazë për çfarëdo zgjidhje gjithëpërfshirëse", thuhet në letrën e presidentit amerikan.
"SHBA-të i mbesin partner të gjithë atyre të cilët ndajnë këto vlera dhe janë të gatshëm të kryejnë punë të rënda të nevojshme për suksesin e tanishëm dhe të ardhshëm të Kosovës”, thuhet më tej në letër.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/ballkan/trump-uron-thacin-për-11-vjetorin-e-pavarësisë-së-kosovës/1393996&p[images][0]=https://cdnuploads.aa.com.tr/uploads/Contents/2019/02/15/thumbs_b_c_7cba6f27d34d82281158c301c8cae8a6.jpg?v=175219&p[title]=Trump uron Thaçin për 11 vjetorin e pavarësisë së Kosovës&p[summary]="Ne e shohim njohjen e dyanshme si themel të marrëdhënieve të normalizuara dhe si bazë për çfarëdo zgjidhje gjithëpërfshirëse", thuhet në letrën e Trumpit, duke iu referuar marrëdhënieve Kosovë-Serbi){kind=link}