Adel Ömeragiç
15 Shkurt 2017•Përditësim: 15 Shkurt 2017
PODGORICË (AA) – Parlamenti i Malit të Zi në një seancë të jashtëzakonshme ka miratuar sot ngritjen e procedurës penale dhe caktimin e paraburgimit për deputetët e Frontit Demokratik (FD) Andrija Mandiç dhe Milan Knezheviç. Për heqjen e imunitetit të deputetëve të FD-së votuan 42 deputetë, raporton Anadolu Agency (AA).
Kërkesë për heqjen e imunitetit të deputetëve Mandiç dhe Knezheviç dërgoi Prokuroria Speciale Shtetërore e cila i dyshon dy të lartpërmendurit për vepra penale krijimin e organizatës kriminale dhe përgatitjen e veprave kundër rendit kushtetues dhe sigurisë së Malit të Zi, të kryer përmes nxitjes, me qëllim të kryerjes së veprës penale terrorizëm.
Sipas të dhënave të prokurorisë, ekzistojnë dyshime themelore se Mandiç dhe Knezheviç u bënë anëtarë të organizatës kriminale të cilën në vitin 2016 e themeluan Eduard Shirokov dhe Vladimir Popov me qëllim të kryerjes së veprave penale terrorizëm dhe vepra të tjera penale.
