Четвртиот турски брод за сондажа ќе пристигне на 19 мај

АНКАРА (АА) - Четвртиот брод за подводно дупчење што Турција ќе го додаде во својата флота се очекува да пристигне во пристаништето Ташуџу во Мерсин, Турција, на 19 мај, според информациите од меѓународните податоци за поморски транспорт, јавува Агенција Анадолија (АА).

Бродот, со висина на кулата од 104 метри, ќе биде четвртиот брод за дупчење што ќе се приклучи на флотата на Турција од други бродови за дупчење и истражување, „Фатих“, „Кануни“ и „Јавуз“.

Долг 238 метри и широк 42 метри, бродот е опремен со напредна технологија од седмата генерација и екипаж од 200 лица, и се очекува да го изведе своето прво дупчење во Источниот Медитеран.

Бродот има и активен систем за позиционирање и е способен за дупчење до длабочина од 12.200 метри.

Бродот моментално се вика „Кобалт експлорер“, но ќе биде преименуван.

Тој го започна своето патување од пристаништето Окпо во Јужна Кореја на 7 март, а моментално е во близина на алжирскиот брег. Се очекува да пристигне во пристаништето Ташуџу на 19 мај.

Во вторникот, Мелих Хан Билгин, претседател и извршен директор на „Туркиш петролеум“, потврди дека четвртиот брод од флотата на земјата е во транзит до Ташуџу, каде што ќе остане два месеци во подготовка за задачите за дупчење.