Gözde Bayar
11 Ноември 2022•Ажурирај: 12 Ноември 2022
АНКАРА (АА) - Турската Република Северен Кипар (ТРСК) е примена во Организацијата на туркиски држави како земја набљудувач, соопшти денеска турскиот министер за надворешни работи, Мевлут Чавушоглу, пренесува Агенција Анадолија (АА).
„Ние сме секогаш и секаде покрај Турската Република Северен Кипар“, напиша Чавушоглу на Твитер.
Во Кипар постои повеќедецениски спор меѓу кипарските Грци и кипарските Турци, и покрај низата дипломатски напори на Обединетите нации (ОН) за постигнување сеопфатно решение.
Нападите на етничка основа кои започнаа во раните 1960-ти години ги принудија кипарските Турци да се повлечат во енклави заради своја безбедност.
Во 1974 година беше извршен државен удар од страна на кипарските Грци чија цел беше грчка анексија на островот, што доведе до воена интервенција на Туркије како земја гарант за заштита на кипарските Турци од прогон и насилство. Како резултат на тоа, во 1983 година е основана Турската Република Северен Кипар (ТРСК).
Во последните години на неколкупати беше започнат мировен процес, а еден од нив, и неуспешната иницијатива во Швајцарија во 2017 година под покровителство на земјите гаранти Туркије, Грција и Велика Британија.
Администрацијата на кипарските Грци беше примена во Европската Унија во 2004 година, истата година кога кипарските Грци еднострано го блокираа планот на Обединетите нации за ставање крај на долгогодишниот спор.
