Турција: Шест лица починаа поради консумирање фалсификуван пијалак во Текирдаг

ТЕКИРДАГ

Шест лица починаа поради консумирање фалсификуван пијалак во местото Чорлу во турската област Текирдаг, известува Агенција Анадолија (АА).

И покрај сите обиди на медицинскиот персонал на болницата во кои беа лекувани, животот го загубија 6 лица од труење со токсичен пијалак.

Од друга страна, се дозна дека продолжува лекувањето на 11 лица кои биле затруени од фалсификуваниот алкохол, при што сериозна е здравствената состојба на 5 од затруените.

Во болницата во градот Чорлу, под сомнение дека се затруени со фалсификуван пијалак се пријавиле 17 лица.

Полицијата приведе 5 осомничени, а 2 од нив се притворени.