Турција: Спасена група мигранти вратени од Грција

АНКАРА (АА) - Турските жандармериски тимови спасија група на нерегуларни мигранти кои беа истуркани од грчките погранични сили назад во турските територијални води, јавува Агенција Анадолија (АА).

„Група нерегуларни мигранти, кои беа вратени во Турција откако се ограбени, се предадени на жандармериската команда во подрачјето на Мерич во Едрене“, соопшти турското Министерство за одбрана преку Твитер.

„Мигрантите се спасени од многу ниските температури“, се додава од Министерството.

Турција е клучна транзитна рута за мигрантите кои сакаат да стигнат во Европа за да започнат нов живот, особено оние што бегаат од војна и прогон.

Турција е домаќин на речиси 4 милиони бегалци, повеќе од која било земја во светот.