Турција: При обид за нелегален премин во Грција и Сирија фатени 5 лица, 2 припадници на ФЕТО, 1 на ПКК

АНКАРА

Пограничните единици на турските сили при обид за нелегален премин во Грција и Сирија фатија пет лица, меѓу кои и двајца припадници на терористичката организација ФЕТО и еден терорист на ПКК, јавува Агенција Анадолија (АА).

Во соопштението на Министерството за одбрана на Република Турција се наведува дека борбата против нелегалните премини на границите продолжува.

Се истакнува дека при обид за нелегален премин во Грција и Сирија се фатени пет лица и дека е утврдено дека меѓу фатените лица се наоѓаат двајца терористи на ФЕТО и еден терорист на ПКК.

Терористичката организација ФЕТО е одговорна за крвавиот обид за пуч во Турција, ноќта на 15 јули 2016 година.

Станува збор за терористичка организација предводена од Фетула Ѓулен, кој живее во Соединетите Американски Држави (САД) и чија екстрадиција Турција официјално ја побара од САД.

Припадниците на терористичката организација, со години, преку местење на испитите напредуваа во службата, инфилтрирајќи се на тој начин во институциите на државата. Потоа, најпрвин во декември 2013 година, членовите на ФЕТО во правосудството на Турција со монтиран процес за наводна корупција се обидоа да процесуираат бројни високи функционери.

Неколку години подоцна следуваше и неуспешниот крвав обид за државен удар на терористите на ФЕТО, односно обидот за пуч, што го изведоа офицерите кои ФЕТО ги инфилтрираше во турската војска.

Истрагата во врска со терористичката организација ФЕТО покажа дека се работи за глобална мрежа, која не претставува опасност само за Турција, туку и за секоја друга земја во која е активна. На тоа во повеќе наврати укажуваа турските функционери. Во текот на обидот за државен удар во Турција загинаа 251, а ранети беа околу 2.200 лица.