Турско Министерство за одбрана: Турција евакуираше 11 лица вклучени во хуманитарни активности во Источниот Медитеран

АНКАРА (АА) - Турското Министерство за национална одбрана денес соопшти дека 11 лица, меѓу кои тројца турски државјани, вклучени во хуманитарни активности во Источниот Медитеран, се евакуирани од страна на Турските поморски сили, пренесува Анадолу.

„Како дел од хуманитарните активности што ги спроведуваат цивилните бродови во Источниот Медитеран, 11 лица кои побараа помош, меѓу кои и тројца турски државјани, се безбедно евакуирани на брегот од страна на нашите поморски сили“, се вели во соопштението на Министерството.

Глобалната флотила Сумуд, меѓународна хуманитарна акција за доставување помош во Газа, објави дека е оддалечена помалку од 90 наутички милји (166 километри) од Појасот Газа, кој е под израелска блокада.

Мисијата здружува активисти, политичари и волонтери од повеќе земји.