Tanju Özkaya
14 Ноември 2021•Ажурирај: 15 Ноември 2021
АНКАРА (АА) - За да го сокријат својот идентитет, припадниците на терористичката организација ФЕТО користеле имиња на земји или градови за меѓусебна комуникација, инспирирани од ликовите во популарната ТВ-серија „Куќа од хартија“, дознава Агенција Анадолија (АА).
Според изворите, во истрагата откриено е дека педесет и четири лица во групен разговор преку „БајЛок“, апликацијата за шифрирани пораки на терористичката организација, користеле имиња на држави, главни градови или градови како свои прекари.
По истражувањето на профилите, разговорите и содржината на пораките, експертите успеале да го дешифрираат идентитетот на секој корисник, при што е утврдено дека дел од нив биле на функции во Министерството за надворешни работи како потсекретари, аташеа, службеници и главни службеници.
Следствено на тоа, 53 поранешни функционери на високо ниво во Министерството, поврзани со организацијата, се соочија со судски процес.
Групата од осум крадци во серијалот „Куќа од хартија“ или „La Casa de Papel“ (англ: Money Heist), оригиналното име на шпанската криминалистичка телевизиска серија, имаат кодни имиња според градовите - Токио, Москва, Берлин, Најроби, Рио, Денвер, Хелсинки и Осло.
ФЕТО и нејзиниот водач кој живее во САД, Фетула Ѓулен, стојат зад неуспешниот обид за пуч во Турција на 15 јули 2016 година, во кој загинаа 251 лице, а 2.734 беа повредени.
Терористичката организација ФЕТО стои и зад долготрајната кампања за соборување на државниот поредок преку инфилтрирање во турските институции, особено во војската, полицијата и судството.
