Турските сили неутрализираа 73 терористи во текот на изминатата недела, ја зајакнаа безбедноста на границите

ИСТАНБУЛ (АА) - Турските безбедносни сили неутрализираа 73 терористи во текот на минатата недела, вклучително и оние што дејствуваат преку границата во Северен Ирак и Сирија, објави денес турското Министерство за национална одбрана, јавува Анадолу.

„Со нашата непоколеблива и решителна стратегија за искоренување на тероризмот од неговиот извор, вклучително и во Северен Ирак и Сирија, 73 терористи се неутрализирани во текот на изминатата недела“, рече портпаролот на Министерството, Зеки Актурк, на неделниот брифинг со новинарите во главниот град Анкара.

Актурк, исто така, истакна дека од почетокот на 2024 година се неутрализирани вкупно 1.725 терористи - 845 во Ирак и 880 во Сирија.

Во својата речиси 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца и жени.

- Мерки за гранична безбедност -

Актурк понатаму истакна дека минатата недела биле фатени 529 лица што се обиделе илегално да ја преминат турската граница. Дополнително, 1.383 лица биле спречени да преминат, вклучително и 11 члена на терористички организации.

Од 1 јануари 2024 година властите фатиле 8.336 лица што се обиделе да преминат илегално и спречиле 69.331 да премине. Имено, еден терорист на ПКК од Северен Ирак се предаде на граничниот пункт на Туркије во Хабур минатата недела.