Турските сили неутрализираа 32 терористи на ПКК во северен Ирак

ИСТАНБУЛ (АА) – Турските безбедносни сили неутрализираа 32 терористи на ПКК во северен Ирак, соопшти денес турското Министерство за национална одбрана, јавува Анадолу.

Терористите се таргетирани во Хафтанин, Гара, Хакурк, регионите и зоните на операцијата „Канџа-катанец“, соопшти Министерството на Х.

Се додава дека антитерористичката операција ќе продолжи со одлучност „додека последниот терорист не биде елиминиран од регионот, без да им се дозволи на терористичките организации да ја повратат силата.“

Терористичката ПКК е позната по тоа што го користи северен Ирак, близу турската граница, како засолниште за планирање терористички напади.

Во својата речиси 40-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца и жени.