Турскиот воен брод „ТЏГ Анадолу“ отворен за посетителите во Измир

ИЗМИР (АА) – Најголемиот турски воен брод „ТЏГ Анадолу“, од домашно, турско, производство, денес е отворен за посетителите во пристаништето Алсанџак во Измир, јавува Анадолу.

Почнувајќи со работа на 10 април, бродот беше отворен за посетителите и во пристаништето Сарајбурну во Истанбул на 17 април, каде што беа пречекани 140.055 посетители.

На бродот се изложени и поновите производи на турската одбранбена индустрија, меѓу кои и првиот турски борбен авион без екипаж „Кизилелма“, беспилотното борбено летало „Бајрактар ТБ3“ и новиот тенк „Алтај“.

„ТЏГ Анадолу“, изграден во бродоградилиштето Седеф во Истанбул, е долг 230 метри и широк 32 метра и има површина од 9.200 квадратни метри.

На бродот истовремено може да слетуваат и полетуваат шест хеликоптери, додека беспилотните борбени летала може да се распоредат и на палубата за летање.

Бродот, со целосно опремена болница и две операциони сали, може да прими околу 1.200 вработени.

Има капацитет да носи 13 тенка, 27 поморски јуришни возила, шест оклопни транспортери, 15 приколки и 33 различни возила.