Турската полиција заплени над 405 килограми хероин во источниот дел на земјата

АНКАРА (АА) – Турската полиција заплени околу 405 килограми хероин, објави денеска турскиот министер за внатрешни работи Сулејман Сојлу, пренесува Агенција Анадолија (АА).

„Дрогата е запленета во текот на операциите против трговијата со наркотици, спроведени од турската полиција, во источната турска област Ван и југоисточната област Хакќари“, соопшти Сојлу преку Твитер, објавувајќи фотографии од криумчарената стока.

„Полициските тимови во текот на операцијата уапсија двајца осомничени“, додаде Сојлу, кој им честита на полициските тимови за успешните операции.